وبتسألى أتمنى إيه .. ؟
أتمنى أشوفك معايا
وتِصحى الضحكه جوّايا
أتمنى زمانى يساعدنى
واتمنـى مفيش يوم يعاندنى
اتمنى زمانى يدور
وأعيش مع بدر البدور
أتمنى دايماً أشوفك
وتنور حياتى شموعك
اتمنى اشوفـك ليلاتى
وتنور شِمُوعك حياتى
أتمنى دايماً اشوفك
والمس بايدى خدودك
وأعيش ساعاتِك ويومك
وأشوف خيالى ف عيونك
وأشم ريحة عطورك
وأتمنى الليل يطُووول
بس يكون فيه حضورك
إوعى تقوليلى أوصفك
لأنى مش حقدر أنصفك
وإذا كنتى ياروحى مصممه
مش ممكن أقدر أكسفك
إنتى عايشه جوّا قلبى وأعْرفك
إنتى الحقيقه ..وإنتى الخيال
وإنتى الهلال بعد الكمال
وإنتى اليمين
وإنتى الشمال
إنتى أول خطوتـى
وإنتى آخر رحلتى
إنتى سمايا ودنيتى
وإنتى نعيمى وجنتى
إنتى عيونى .. ونورها وضيّها
وإنتى إللّى الزمان مستحيل يجيب يـوم زيّها
آآآآآآآه .. ياروح قلبى لو تعرفى إنتى بالنسبالى إيه .. ؟
إنتى مرايتى
إنتى حكايتى
إنتى قارورة عطرى
إنتى الجمال
وإنتى الكمال
وإنتى الحنان
وإنتى الأمان
إنتى الورود
وإنتى الوجود
وإنتى الخلود
إنتى بحر من السعاده
ساعدنى القدر .. وغـرقت فيه
عارفه القمر يـوم مكتمل
إنتى ف جمالك بتفوقيه
إنتى أنا
وإنتى شرايين الهنا
حبيبتى مش قلتلـك
مش ممكن أقدر أوصفك
ولو قدرت .. ؟
مش ممكن أقدر أنصفك
18 / 3 / 2010
الساعه : 1:12 ظهراً
هناك تعليق واحد:
بمناسبة التمنى تسألنى اتمنى ايه بصراحة
اتمنى الا ينتهى نثرك الشعرى وقافيتك المسترسلة على انغام طربه غناء
امتعتنى وامتعت كل من مرّ على هذه المدونة الجذابة
الفاروق
إرسال تعليق